အပိုင်း (၅၉) : ချင်းပြည်မှ သတ္တိ

ဒီနေ့အပိုင်းလေးမှာတော့ သောတရှင်တွေကို ချင်းပြည်နယ်သို့ အလည်ခရီးသဘောမျိုးလေး ခေါ်ဆောင်သွားပါမယ်။ ချင်းလူမျိုးတွေရဲ့ ဘာသာတရား၊ ယဉ်ကျေးမှု နောက်ခံသမိုင်းကြောင်းတွေကို အကျဉ်းလောက် လေ့လာပြီးနောက်မှာ ဆိုးရွားလှတဲ့ ဗမာစစ်တပ်ရဲ့ အာဏာသိမ်းမှုကို ချင်းလူမျိုးတွေအပေါ် ဘယ်လောက်ထိ သက်ရောက််နေတဲ့အကြောင်း လေ့လာပါမယ်။

ကျွန်တော်တို့ဧည့်သည်ကတော့ ဇိုမီးမျိုးနွယ် ချင်းလူမျိုး Mark ဖြစ်ပါတယ်။ မတူညီ ထူးခြားတဲ့ ဘာသာစကားနဲ့ ရိုးရာတွေ ပိုင်ဆိုင်ကြတဲ့ ချင်းမျိုးနွယ်စုများထဲ ဇိုမီး လည်းတခုပါပဲ။ မြန်မာပြည် မြောက်ပိုင်းကို ချင်းပြည်က နေရာယူထားပေမဲ့ ချင်းလူမျိုးတွေကို အိန္ဒိယနဲ့ ဘင်္ဂလားဒေ့ရှ်ဘက်မှာ တွေ့နိုင်ကြောင်း Mark က ရှင်းပြပါတယ်။ ကမ္ဘာပေါ်က အခြားလူအသိုင်းအဝိုင်းတွေလိုပဲ ၁၉ရာစုအစောပိုင်းမှာ ချင်းတွေက နတ်ကိုးကွယ်ခဲ့ကြတယ်။ ဒါပေမဲ့ အနောက်တိုင်းသာသနာပြုတွေ ရောက်လာတဲ့အချိန်မှာတော့ ခရစ်ယာန်ဘာသာက အဓိက ကိုးကွယ်တဲ့ဘာသာ ဖြစ်လာတယ်။

Mark က ဘာသာတရား ကိုင်းရှိုင်းတဲ့ မိသားစုမှာကြီးပြင်းခဲ့ပြီး သူ့ယုံကြည်မှုက ဘဝရဲ့အရေးပါတဲ့ နေရာမှာ ဆက်ရှိနေပါတယ်။ “ကျွန်တော့်နှလုံးသားထဲက ပင်မယုံကြည်မှုပါပဲ။ ချစ်ခြင်းမေတ္တာ စောင့်ရှောက်ခြင်းတို့ကို လမ်းပြ ဟောကြားထားတဲ့ Bible ထဲက အဆုံးအမပါပဲ။ Bible ထဲက အဆုံးအမတွေကို အရမ်းတန်းဖိုးထားတဲ့ မိသားစု အသိုင်းအဝိုင်းထဲမှာ ကျွန်တော် ကြီးလာတာ။”လို့ ပြောပါတယ်။

Mark နဲ့ သူ့ရဲ့အဖော် ချင်းခရစ်ယာန်တွေအတွက် စစ်အာဏာသိမ်းလိုက်ခြင်းက နိုင်ငံတဝှမ်းမှာ တွေ့ရတဲ့ အခြေခံ နိုင်ငံရေးလွတ်လပ်မှုတွေကို ဆုံးရှုံးတာသာမက ဘာသာရေးလွတ်လပ်ခွင့်ပါ ဆုံးရှုံးတာကို ပြသနေပါတယ်။ မကြာသေးခင်က ဒီမိုကရေစီ ပြုပြင်ပြောင်းလဲရေးမတိုင်မီ လွတ်လပ်စွာ ကိုးကွယ်ခွင့်ဆိုတာ အာမခံချက် လုံးဝမရှိတဲ့အကြောင်း ပြန်ပြောင်းပြောဆိုပါတယ်။ ဗမာစစ်တပ်က လက်ဝါးကပ်တိုင်တွေနဲ့ ဘုရားကျောင်းတွေကို ဖျက်ဆီးဖို့အတွက် ချင်းတွေဆီကို မကြာခဏလာတဲ့အကြောင်း ပြောပါတယ်။ သူတို့အတွက် စစ်အုပ်ချုပ်ရေး ပြန်လှည့်လာတာက သူတို့ယုံကြည်မှုကို  ပွင့်ပွင့်လင်းလင်း ကျင့်ကြံလို့ မရတော့မယ့် နေ့ရက်တွေစီ လှည့်ပြန်နေတာဖြစ်လို့ သူတို့မှာ လက်တုံ့ပြန်ဖို့ အကြောက်တရား မရှိတော့ဘူး။ 

ဒီအချက်မှာ ဖြစ်နိုင်တာက အာဏာသိမ်းလိုက်တဲ့ ဖေဖော်ဝါရီ ၁ ရက်နောက်ပိုင်း ကလေးမြို့က ချင်းလူမျိုးတွေ လက်နက်နဲ့ ခုခံတော်လှန်ရေး စခဲ့တဲ့ အကြောင်းအရင်းတွေထဲက တခုပါပဲ။ ချင်းတွေက သူတို့ကိုယ်သူတို့ လွတ်လပ်တဲ့ စိတ်ဓာတ်ပိုင်ရှင်တွေအဖြစ် အမြဲဂုဏ်ယူကြောင်း Mark က ပြောပါတယ်။ ဒုတိယကမ္ဘာစစ်အတွင်း မဟာမိတ်တွေနဲ့ ပေါင်းပြီး ဂျပန်တွေကို တိုက်ထုတ်တဲ့အကြောင်း ကိုလိုနီခေတ်ကာလမှာ ဗြိတိသျှတွေကို ဆန့်ကျင်တဲ့အကြောင်းတွေ ဖြစ်ပါတယ်။ ရလဒ်အနေနဲ့ အဲ့ဒီခေတ်မှာ ဗမာပြည်ထဲက အခြားတိုင်းရင်းသား အနည်းစုလောက်သာ ခံစားရတဲ့ ကိုယ်ပိုင်အုပ်ချုပ်ရေး အရသာကို သူတို့တွေ အတိုင်းအတာ တခုအထိ စံစားခဲ့ရတာပါပဲ။

ဒီနေ့ခေတ်မှာတောင် အိမ်လုပ်မီးကျောက်သေနတ် “တူမီး”ရိုင်ဖယ်ကို ချင်းအိမ်တိုင်းမှာ တွေ့နိုင်ပါတယ်။ ဒီလက်နက်ကို ဗြိတိသျှတွေမှ ကာကွယ်ဖို့ သုံးခဲ့ပြီး အမဲလိုက်တဲ့ နေရာမှာလည်း အသုံးပြုပါတယ်။ Mark  စိုးရိမ်နေတာတွေရှိနေပေမဲ့ ချင်းတွေမှာက ဗမာစစ်တပ်ကို ခုခံဖို့အတွက် တူညီတဲ့ မုဆိုးစိတ်ဓာတ်နဲ့ တက်ကြွမှုတွေရှိနေတာပါ။ ချင်းလူငယ်တွေရဲ့ အာဂသတ္တိကို သူလေးစားပေမဲ့ တူမီးက ကျည်တတောင့်ပစ်နိုင်ဖို့ မိနစ်အနည်းငယ် အချိန်ယူရတဲ့အတွက် ဗမာစစ်တပ်ရဲ့ စက်သေနတ်တွေကို တိုက်ခိုက်ရာမှာ ထိရောက်မှု မရှိတဲ့အတွက် သူက စိုးရိမ်နေပါတယ်။

တပ်မတော်က ချင်းလူမျိုးတွေအပေါ် အတော်အတန် ရက်ရက်စက်စက် ဖိအားပေးတိုက်ထုတ်တာကြောင့် အထူးသဖြင့် မင်းတပ်မြို့တွင်း တိုက်ခိုက်ခြင်းကြောင့် မြို့တွင်းနေထိုင်သူ ၉၀ ရာခိုင်နှုန်း တောထဲသို့ ထွက်ပြေးတိမ်းရှောင်နေရပါတယ်။ Mark က သူတတ်နိုင်သမျှအားလုံး ကူညီဖို့လုပ်နေပြီး ဦးစီးလုပ်ကိုင်တဲ့ အမျိုးသမီးတဦးနဲ့ ဖုန်းပြောဖြစ်တဲ့အခါ Mark ကို သူမတို့အတွက် ဆုတောင်းပေးဖို့ တချက်မှာ တောင်းဆိုလိုက်ပါတယ်။ Mark အသေးစိတ်ပြီး ပြောပြတာက “အဲ့ဒီအမျိုးသမီးနဲ့ စကားပြောခွင့်ရတုန်းက သူမက ဖုန်းထဲမှာ ငိုနေပြီ၊ ကျွန်တော့်လို မတွေ့ဖူးတဲ့ သူစိမ်းတယောက်ကို ပြောနေတာတောင် ငိုနေတာ။ အဲ့တော့ အဲ့ဒီက အခြေအနေ ဘယ်လောက်တင်းမာနေလဲ ဆိုတာပဲ။ သူတို့ အမျိုးသမီးတွေကို မုဒိမ်းကျင့်တယ်။ သူတို့ ရက်ရက်စက်စက် သတ်ဖြတ်ကြတယ်။ ကျွန်တော့် အဆက်အသွယ်တွေကတောင် ကျွန်တော့်ကို အဲ့လိုပြောတယ်။ ‘ငါတို့ အဲ့ဒီစစ်သားတွေကို မသိဘူး! သူတို့ ရူးနေတာလား၊ မူးနေတာလား တခုခုပဲ။ သူတို့က လူနဲ့မတူဘူး၊ သိပ်ရက်စက်ကြတယ်။’”

အခုလုပ်နေတာတွေအားလုံးက အာဏာမသိမ်းမီ အင်္ဂလန်တက္ကသိုလ်တခုကနေ MBA ရရှိထားပြီး စီးပွားရေးဆိုင်ရာ နည်းပြ အနေနဲ့ Mark လုပ်ကိုင်ခဲ့တာတွေနဲ့ တခြားစီပါ။ အခြားသူတွေလိုပဲ Mark လည်း ကူကယ်ရာမဲ့ ခံစားရတယ်။ ဒါပေမဲ့ ရက်စက်ကြမ်းကြုတ်မှုတွေမှ ထွက်ပြေးလာကြတဲ့သူတွေဆီ စားနပ်ရိက္ခာတွေ ပို့နိုင်ဖို့ အခုလုပ်ဆောင်နေပါတယ်။ ဒီရက်တွေမှာတော့ Mark ရဲ့ ဘာသာတရားအပေါ် ယုံကြည်မှုက ပိုပြီးအသက်ဝင်နေပြီး ရံခါ ဆုတောင်းပွဲတွေနဲ့  Bible မှ စာပိုဒ်တွေကတဆင့် စိတ်ဖြေသိမ့်မှု ရနေပါတယ်။ အထူးမှတ်သားစရာအနေနဲ့ ဆာလံ ၂၃ကို ကိုယ်တိုင် ရွတ်ပြခဲ့ပါတယ် -

“ထာဝရဘုရားသည် ငါ၏သိုးထိန်းဖြစ်တော် မူ၏။ ငါသည် ဆင်းရဲမခံရ။ 

စိမ်းလန်းသော ကျက်စားရာအရပ်၌ ငါ့ကို အိပ်စေတော်မူ၏။ သာယာသောမြစ်နားသို့ လမ်းပြတော်မူ၏။

ငါ့ဝိညာဉ်ကိုအားဖြည့်၍၊ နာမတော်အဘို့ အလိုငှါ တရားလမ်းထဲ၌ သွေးဆောင်တော်မူ၏။

အကယ်၍ သေမင်း၏အရိပ်လွှမ်းမိုးသော ချိုင့် ထဲသို့ ရောက်သွားရသော်လည်း ဘေးအန္တရာယ်ကို မကြောက်ပါ။ အကြောင်းမူကား၊ ကိုယ်တော်သည် အကျွန်ုပ်နှင့်အတူ ရှိတော်မူသည်ဖြစ်၍၊ လှံတံတော်နှင့် တောင်ဝှေးတော်သည် အကျွန်ုပ်ကို ချမ်းသာစေပါ၏။

အကျွန်ုပ်၏ ရန်သူတို့ရှေ့မှာ အကျွန်ုပ်အဘို့ စားပွဲကိုခင်းတော်မူ၏။ အကျွန်ုပ်ခေါင်းကိုဆီနှင့် လိမ်း တော်မူ၏။ အကျွန်ုပ်ခွက်ဖလားသည် လျှံလျက်ရှိပါ၏။

အကယ်စင်စစ်အကျွန်ုပ်သည် ကျေးဇူးနှင့် ကရုဏာကို တသက်လုံးခံစားရ၍၊ ထာဝရဘုရား၏ အိမ်တော်မှာ အစဉ်အမြဲနေရပါလိမ့်မည်။”