မြန်မာ- လူ့ယဉ်ကျေးမှုကို ထိုးထွင်းကြည့်ရှုခြင်း

Keshav Mohta ဟာ သူ့ရဲ့ အံ့သြပြောင်မြောက်ဖွယ် ဗီနာဂီတကို ကျွန်တော်တို့ရဲ့ ခုနောက်ပိုင်း podcast ထုတ်လွှင့်မှုတွေမှာ အသုံးပြုခွင့်ပေးခဲ့တဲ့အတွက် သူ့အပေါ်မှာ ကျွန်တော်တို့အကြွေးတင်နေပါတယ်။ သူ့ဂီတတင်မကပဲ Keshavကိုယ်တိုင် ကျွန်တော်တို့podcastရဲ့ လက်တလောတင်ဆက်မှုဖြစ်တဲ့ “Love Letters to Myanmar: Gratitude and Growth” ဆိုတဲ့အပိုင်းမှာ ဧည့်သည်တော်အနေနဲ့ ပါဝင်တင်ဆက်ထားပေးပါသေးတယ်။ နားမထောင်ရသေးရင် နားထောင်ကြည့်လိုက်ပါဦးနော်။

Keshavအကြောင်းကို ပိုသိအောင် မိတ်ဆက်ပေးရမယ်ဆိုရင် သူ့ဘဝ၊ သူ့အလုပ်ဟာ နှစ်ခုမရှိတဲ့စိတ်အခြေအနေကို စူးစမ်းတဲ့ အိန္ဒိယ ရှေးဟောင်း ပညာဉာဏ်ဆိုင်ရာ စနစ်တွေမှာ အခြေပြုလည်ပတ်နေပါတယ်။ သူဟာ ရှေးဟောင်း ပညာဉာဏ်ဆိုင်ရာ စနစ်တွေကို ခေတ်ကာလနဲ့လျော်ညီစွာ အသုံးချခြင်း၊ ပြန်လည်တည်ဆောက်ခြင်းတွေကို အထူးစိတ်ဝင်စားပါတယ်။ ဂီတနဲ့ လှုပ်ရှားမှုလိုမျိုး အနုပညာရပ်တွေဟာ သူ့ချဉ်းကပ်မှုအတွက် အရေးပါလှပါတယ်။ Keshavဟာ အထွေထွေလေ့လာမှု အတန်းတွေ၊ စခန်းတွေ ဖွင့်လှစ်ပို့ချပါတယ်။ အသေးစိတ်သိချင်ရင်တော့ သူ့ဝက်ဘ်ဆိုက် Dharmayog ကို သွားရောက်လေ့လာကြည့်ပါ။

Keshavက မြန်မာကိုအလည်တခေါက်ရောက်ဖူးတော့ သူ့ထင်မြင်ချက်ကို အောက်ပါအတိုင်းထပ်ဖြည့်ပြောသွားပါတယ်။

“၂၀၁၀ခုနှစ် မြန်မာမှာကျွန်တော်ရှိနေတဲ့ကာလဟာ အရာအားလုံးချိတ်ဆက်ဆက်နွယ်နေတဲ့ တည်ရှိမှုအပေါ်  နက်ရှိုင်းစွာအခြေခံထားတဲ့ လူ့ယဉ်ကျေးမှုကို တခြားမှာထက် ပိုပြီးထိုးထွင်းသဘောပေါက်စေခဲ့ပါတယ်။ လူ့ဘောင်တစ်ရပ်ကို လူ့အခြေအနေ၊ သဘာဝနိယာမ(ဓမ္မသဘော)ကိုအခြေခံပြီးဘယ်လိုတည်ဆောက်နိုင်တယ်ဆိုတာကို မြည်းစမ်းဖူးခဲ့ရပါတယ်။ ဒါဟာ ကမ္ဘာဒေသအသီးသီး က ခေတ်အလျောက် အယူအဆ တိုးတက်ပြောင်းလဲမှု၊ လူမှုယဉ်ကျေးမှုနဲ့ စီးပွါးရေးတွေကို သုံးသပ်မိစေပြီး ဒါတွေအားလုံးဟာ ပိုမိုကျယ်ပြန့်တဲ့ ဆင့်ကဲပြောင်းလဲမှုဖြစ်စဉ်မှာ ပါဝင်နိုင်ပုံကို တွေးမိပါတယ်။ အချိန်ကြာလာတာနဲ့အမျှ ဒီလူ့ယဉ်ကျေးမှုဟာ ဆင်ခြင်တုံတရားမဲ့မှုကြောင့် ဘယ်လိုပျက်စီးသွားနိုင်သလဲဆိုတာကိုပါ ကျွန်တော်သိမြင်လာခဲ့ပါတယ်။ ဘိုးဘွားတွေက လက်ဆင့်ကမ်းအမွေပေးခဲ့တဲ့ အသိပညာနဲ့ ဘဝနေထိုင်မှုပုံစံကို မပျက်စီးမဆုံးရှုံးရအောင် ပညာရှိရှိနဲ့ ဂရုတစိုက်ထိန်းသိမ်းရမှာက ကျွန်တော်တို့လူသားတွေရဲ့ တာဝန်ပဲဖြစ်တယ်ဆိုတာလည်း ကျွန်တော် သိရှိနားလည်သွားခဲ့ပါတယ်။ ”